الريس بيره (1922 - 2008) El Rayyes Beera مؤلف و ملحن مصرى، اسمه الحقيقى (خليل محمد خليل)، اتولد فى حى الحسين فى 12 يونيه من سنة 1922. و ذاعت شهرة الريس بيره فى الستينيات، و تألق فى السبعينيات لما اكتشف احمد عدويه، وكتب له و لحن أغنية "السح الدح إمبو"، و كانت بداية عصر جديد من الغنا الشعبى، ومن أغانيه كمان (كركشنجى دبح كبشه) لأحمد عدوية و (يا شقى ياواد يا جن) لكتكوت الامير و(أسمر يا سماره) من غنا المغنيه شريفة فاضل. ورغم الهجوم وقتها علا نوعية الاغانى إلا ان ألبوم (بنت السلطان) لأحمد عدويه اللى ألف ولحن الريس بيرة معظم أغانيه كان أول ألبوم فى مصر يتخطى حاجز المليون شريط فى المبيعات. كان الريس بيره لغاية وفاته فى 6 يونيه من سنة 2008 عضو فى نقابة الموسيقيين المصريه.
