العوامات (مرض)
| ||||
|---|---|---|---|---|
| مرض | ||||
 | ||||
تعديل  |
||||
العوامات "او الدبانة الطايرة" هوه مرض بييجى للعين هيا خلايا صغيرة جدا جوة الجسم الزجاجى الواحد بيشوفها حاجات بتتحرك و هو بيحرك عينيه، بتكون على شكل خيوط او شخبطة او نقطة، وساعات بتاخد شكل الدبانة الواحد بيشوفها لما بيكون باصص للسما او لسطح ابيض ومصطلح العوامات ادق من الدبانة الطايرة لانه بيوصف الحركة بالظبط غير حركة طيران الدبانة اللى بتكون ثابته لانها فعلا بتكون اجسام عايمة
الاسباب[تعديل]
- لما الواحد يكبر بتتغير كثافة السائل الزجاجى وبيقل نقاوته فبيحصل كدة
- انفصال وانكماش الجزء الخلفى للسائل الزجاجى عن الشبكية واكتر ناس ممكن يحصللهم كدة همّا:
- الناس اللى عملوا عملية ازالة الميه البيضا او الناس اللى عملوا تنضيف عدسة بالليزر
- الناس اللى عندهم التهابات مزمنة فى العين
- الناس اللى عندهم قصر نظر
- ساعات لو العين اتخبطت بيحصل كدة
الحوامل ساعات بيشوفوا بؤع بتتحرك ودة بيكون بسبب حتت صغيرة من البروتين جوة العين
التطورات اللى ممكن تحصل[تعديل]
اللى عندهم المرض دة محتاجين للمتابعة لان بيحصل انفصال للشبكية لـ 10% من اللى عندهم المرض دة نتيجة انكماش للجسم الزجاجى اللى بيعمل نزيف للشبكية وبعدها انفصال الشبكية والعمى.
العلاج[تعديل]
عادة مافيش علاج ناجح ; لكن العلاج الجراحى ممكن يكون انجح فى علاج الحالات الشديدة