كشرى
| ||||
|---|---|---|---|---|
 | ||||
| المنشأ |  | |||
| البلد | مصر
| |||
| المكونات الرئيسية | رز و عدس و مكرونه و حمص و تقلية بصل و صلصة طماطم و توم و خل و شطه | |||
تعديل  |
||||
كشرى Koshari اكله من اشهر الاكلات المصريه بيتكون من رز و عدس و مكرونه و حمص و تقلية بصل و صلصة طماطم و شطه و توم و خل . الكشرى من الأكلات المصريه المشهوره بيتعمل فى البيت و فيه مطاعم كتيره جوا و برا مصر بتبيع كشرى مصرى.
فيه كتير فى كل مصر مش بس اسكندريه بيعملو"كشرى اسكندرانى" متكون من رز و عدس اصفر يعنى مقشر من غير جبه و صلصة طماطم و تقلية بصل من غير مكرونه و بيتاكل مع سلطة طماطم و خيار و فلفل و بصل. الكشرى اللى بيسموه اسكندرانى المتكون من رز و عدس و تقليه من غير مكرونه هو اصل الكشرى المصرى.
انواع الكشرى المصرى[تعديل]
- كشرى اسكندرانى : رز و عدس اصفر و ملح و فلفل و كمون و شطه و بصل و توم و خل و صلصه طماطم و تقلية بصل و سلطه طماطم. فيه بيحطو معاه بيض مزعلل يعنى بيض اتسلق و اتقشر و اتقلا فى سمنه
- كشرى قاهرى : رز و عدس اصفر و عدس بجبه و مكرونه و حمص و ملح و فلفل و كمون و صلصه طماطم و تقلية بصل و خل بتوم و شطه . فيه بعض المحلات حسب الطلب بيحطو عليه حتت كبده او لحمه مفرومه او حتت سجق او حتت لحمة فراخ او تونه او غيره
عمل كشرى اسكندرانى[تعديل]
- طاسه حط فبها زيت دره او غيره عشان ما تلزقش و كميات متساويه من رز و عدس اصفر عليهم شوية شعريه و حط عليهم صلصة طماطم و ملح و فلفل و كمون و حتت بصل و توم و شوية خل و شوية شطه و عصير لمونه و فوقهم شوية زيت دره او غيره و مايه مغليه و قلبهم و غطيهم و حطهم علا نار لغاية ما الكشرى يستوى
- قطع بصل حتت صغيره او افرمه و اقليه فى زيت لعمل التقليه
عمل كشرى قاهرى[تعديل]
مقادير[تعديل]
- 2 كباية رز مصرى.
- كباية عدس اصفر
- نص كباية عدس بجبه
- كباية مكرونه مرمريه
- نص كبايه مكرونه سباجتى تتقطع حتت
- نص كباية مكرونه شعريه
- نص كباية حمص طبيخ
- ملح و فلفل و كمون
- زيت
- تتخلط المكونات ببعض و تتحط عليها مايه مغليه و تتقلب و تتحط علا النار لغاية ما المايه تنشف و الكشرى يستوى
طريقه تقلية كشرى[تعديل]
- بصل يتقطع حتت صغيره او يتفرم و يتقلا فى شوية زيت لغاية ما لونه يبقا بنى.ممكن يتحط عليه حتت توم و حتت فلفل اخضر
طريقة صلصة كشرى[تعديل]
طريقة شطة كشرى[تعديل]
شطه عليها ميه و تتغلا
طريقة دقه كشرى[تعديل]
خل عليه توم مفروم او مدقوق عشان كدا سموها دقه
صور[تعديل]
